ସହଦେବୀ ଗଛର ତାନ୍ତ୍ରିକ ପ୍ରୟୋଗ:। Sahadevi Plant Tantrik Upay: Miraculous Remedies for Wealth and Success
ଆମ ପ୍ରକୃତିରେ ଏପରି କିଛି ଗଛଲତା ଅଛି, ଯାହା କେବଳ ଔଷଧୀୟ ଗୁଣରେ ଭରପୂର ନୁହେଁ, ବରଂ ତାନ୍ତ୍ରିକ ଶାସ୍ତ୍ର ଅନୁସାରେ ଏହା ଧନକୁ ଚୁମ୍ବକ ପରି ଆକର୍ଷିତ କରିଥାଏ?
ଯାହାର ମାତ୍ର ଗୋଟିଏ ଉପାୟ ଆପଣଙ୍କ ଭାଗ୍ୟ ବଦଳାଇ ଦେଇପାରେ।
ପକେଟରେ ରଖନ୍ତୁ ଏହି ଚେର - ଚମତ୍କାର ଦେଖନ୍ତୁ
ଶାସ୍ତ୍ରରେ କୁହାଯାଇଛି ଯେ ପ୍ରକୃତିର ପ୍ରତିଟି ଗଛଲତା ମଧ୍ୟରେ କୌଣସି ନା କୌଣସି ଦୈବୀ ଶକ୍ତି ଲୁଚି ରହିଥାଏ। ଆଜି ଆମେ ସେହିଭଳି ଏକ ଅଲୌକିକ ଗଛ 'ସହଦେବୀ' ବିଷୟରେ କହିବୁ, ଯାହାକୁ ତନ୍ତ୍ର ଶାସ୍ତ୍ରରେ 'ଧନ ଆକର୍ଷଣକାରୀ' ଗଛ ବୋଲି କୁହାଯାଏ।
ସହଦେବୀ ଗଛର ଚମତ୍କାରୀ ରହସ୍ୟ।
ସହଦେବୀ ଗଛର ମହତ୍ତ୍ୱ ବର୍ଣ୍ଣନା କରିବାକୁ ଯାଇ ଶାସ୍ତ୍ରରେ ଏହି ପ୍ରାମାଣିକ ଶ୍ଳୋକ ଉଲ୍ଲେଖ କରାଯାଇଛି:
"ସହଦେବୀ ମହାଭାଗ୍ୟା, ଲକ୍ଷ୍ମୀରୂପା ମହେଶ୍ୱରୀ।
ଧନଂ ଦେହି ପ୍ରତିଷ୍ଠା ଚ, ସର୍ବକାମାର୍ଥ ସିଦ୍ଧୟେ।।"
ଅର୍ଥ: ହେ ମହାଭାଗ୍ୟଶାଳୀ ସହଦେବୀ! ଆପଣ ସାକ୍ଷାତ୍ ମା’ ଲକ୍ଷ୍ମୀଙ୍କର ସ୍ୱରୂପ। ମୋତେ ଧନ, ସମ୍ମାନ ଏବଂ ସମସ୍ତ ମନସ୍କାମନା ପୂର୍ଣ୍ଣ କରିବାର ଶକ୍ତି ପ୍ରଦାନ କରନ୍ତୁ।
ମନ୍ତ୍ର ଉଚ୍ଚାରଣ ର ମହତ୍ତ୍ଵ,
ମନ୍ତ୍ର ମୂଗ୍ଧ ଦେବତା।
ମନ୍ତ୍ର ହେଉଛି ଦେବ ଭାଷା।
ମନ୍ତ୍ର ଓ ତନ୍ତ୍ର ମଧ୍ୟରେ ପାର୍ଥକ୍ୟ:
ମନ୍ତ୍ର ହେଉଛି ଏକ 'ସଫ୍ଟୱେୟାର' ପରି, ଯାହା ଭକ୍ତି ଏବଂ ଧ୍ୱନି ଦ୍ୱାରା କାମ କରେ।
ତନ୍ତ୍ର ହେଉଛି ତତ୍କ୍ଷଣାତ, ଏକ 'ହାର୍ଡୱେୟାର' ପରି, ଯାହା ନିର୍ଦ୍ଦିଷ୍ଟ ନିୟମ, ସାଧନା ଏବଂ ବସ୍ତୁ ଦ୍ୱାରା କାମ କରେ।
୧. ସହଦେବୀ ଗଛ ପରିଚୟ
ସହଦେବୀ ଏକ କୋମଳ ଓ ଛୋଟ ଗଛ, ଯାହାର ଉଚ୍ଚତା ପ୍ରାୟ ଏକ ଫୁଟ୍ରୁ ସାଢ଼େ ତିନି ଫୁଟ୍ ପର୍ଯ୍ୟନ୍ତ ହୋଇଥାଏ। ତନ୍ତ୍ର ଶାସ୍ତ୍ରରେ ଏହାକୁ 'ଧନ ଟାଣୁଥିବା ଗଛ' ବୋଲି କୁହାଯାଏ। ଏହା କେବଳ ଆୟୁର୍ବେଦରେ ନୁହେଁ, ବରଂ ମନସ୍କାମନା ପୂର୍ଣ୍ଣ କରିବାରେ ମଧ୍ୟ ଜଣେ ମହାରଥୀ।
୨. କେମିତି କରିବେ ଏହି ଉପାୟ? (ବିଧି)
ଏହି ଗଛର ସମ୍ପୂର୍ଣ୍ଣ ଲାଭ ପାଇବା ପାଇଁ ଏକ ନିର୍ଦ୍ଦିଷ୍ଟ ବିଧି ରହିଛି:
* ଶୁଭ ସମୟ: ରବି-ପୁଷ୍ୟା ନକ୍ଷତ୍ର, ପୂର୍ଣ୍ଣିମା କିମ୍ବା ଅମାବାସ୍ୟା ଦିନ ଏହାକୁ ଘରକୁ ଆଣନ୍ତୁ।
* ନିମନ୍ତ୍ରଣ: ପୂର୍ଣ୍ଣିମାର ଦିନକ ପୂର୍ବରୁ ସୂର୍ଯ୍ୟାସ୍ତ ସମୟରେ ଗଛ ପାଖକୁ ଯାଇ ପ୍ରାର୍ଥନା ନିମନ୍ତ୍ରଣ ଦେଇ ଆସନ୍ତୁ ଯେ, ଗୋଟିଏ ପାନପତ୍ର ରେ ଗୋଟିଏ ଗୁଆ ରଖି ଏବଂ ଧୂପ ଦୀପ ନୈବେଦ୍ୟ ଅର୍ପଣ କରି ପ୍ରାର୍ଥନା ନିବେଦନ କରନ୍ତୁ। ଏହି ମନ୍ତ୍ର ଉଚ୍ଚାରଣ କରନ୍ତୁ।
ହେ ଦିବ୍ୟ ବନସ୍ପତି ମାତା ସହ ଦେବୀ ଆପଣଙ୍କ ଚରଣରେ ପ୍ରଣାମ ଅର୍ପଣ କରୁଛି। ଆପଣଙ୍କର ଲୋକ କଲ୍ୟାଣକାରୀ ଦିବ୍ୟ ଶକ୍ତି କୁ ପ୍ରକଟ କରନ୍ତୁ ଏବଂ ମୋର ଦୁଃଖ ଦୂର କରିବାପାଇଁ ମୋତେ ଆଶ୍ରିବାଦ ଦିଅନ୍ତୁ। ମୋର ନିମନ୍ତ୍ରଣ ପୂଜା ସ୍ବିକାର କରନ୍ତୁ। ମୁଁ
ଆସନ୍ତାକାଲି ସକାଳେ ଆପଣଙ୍କୁ ନେବାକୁ ଆସିବି।
* ସଂଗ୍ରହ: ପରଦିନ ସୂର୍ଯ୍ୟୋଦୟ ପୂର୍ବରୁ ସ୍ନାନ କରି, ଗଛକୁ ପ୍ରଣାମ କରି ଏବଂ ଗଙ୍ଗାଜଳରେ ସ୍ନାନ କରାଇ ସାବଧାନର ସହ ଉପାଡ଼ି ଘରକୁ ଆଣନ୍ତୁ।
* ପୂଜା: ଘରେ ପଞ୍ଚାମୃତରେ ସ୍ନାନ କରାଇ ବିଧିବଦ୍ଧ ଭାବେ ପୂଜା କରି ଏହାକୁ ସିଦ୍ଧ କରନ୍ତୁ।
୩. ସହଦେବୀ ଗଛର ଆଶ୍ଚର୍ଯ୍ୟଜନକ ଲାଭ ପାଇଁ ତାନ୍ତ୍ରିକ ପ୍ରୟୋଗ।
୧. ଧନ ବୃଦ୍ଧି ପାଇଁ:
ସହଦେବୀ ଗଛର ସିଦ୍ଧ କରାଯାଇଥିବା ଚେରକୁ ଏକ ନାଲି ରଙ୍ଗର ରେଶମୀ କପଡ଼ାରେ ଗୁଡ଼ାଇ ନିଜ ତିଜୋରି କିମ୍ବା ଟଙ୍କା ରଖୁଥିବା ସ୍ଥାନରେ ରଖନ୍ତୁ। ଏହାଦ୍ୱାରା ଧନର ଅଭାବ ରହେ ନାହିଁ।
୨. ଅନ୍ନପୂର୍ଣ୍ଣାଙ୍କ କୃପା:
ଯଦି ଆପଣ ରୋଷେଇ ଘର କିମ୍ବା ଶସ୍ୟ ଭଣ୍ଡାରରେ ଏହାର ଚେରକୁ ଶୁଦ୍ଧ ସ୍ଥାନରେ ରଖନ୍ତି, ତେବେ ଘରେ କେବେ ବି ଖାଦ୍ୟର ଅଭାବ ପଡ଼ିବ ନାହିଁ।
୩. ବାସ୍ତୁଦୋଷ ଖଣ୍ଡନ:
ଘରର ପୂଜା କକ୍ଷରେ ଏହି ଗଛକୁ ସ୍ଥାପନା କଲେ ଘରେ ସୁଖ-ଶାନ୍ତି ବିଦ୍ୟମାନ ରହେ ଏବଂ ସମସ୍ତ ବାସ୍ତୁଦୋଷ ଦୂର ହୁଏ।
୪. କୋର୍ଟ-କଚେରୀ ମାମଲାରେ ବିଜୟ:
ଯଦି କୌଣସି ବିବାଦ କିମ୍ବା କୋର୍ଟ ମାମଲା ଚାଲିଥାଏ, ତେବେ ଏହି ସିଦ୍ଧ ଚେରକୁ ଡାହାଣ ହାତରେ ବାନ୍ଧି କିମ୍ବା ପକେଟରେ ରଖି ଯାଆନ୍ତୁ, ନିଶ୍ଚିତ ଭାବେ ବିଜୟ ମିଳିବ।
୫. ବଶୀକରଣ ଓ ଆକର୍ଷଣ:
ଏହାର ପଞ୍ଚାଙ୍ଗ (ପତ୍ର, ଫୁଲ, ଚେର, ଫଳ ଓ କାଣ୍ଡ) ର ଚୂର୍ଣ୍ଣ କରି ତିଳକ ଲଗାଇଲେ ଆକର୍ଷଣ ଶକ୍ତି ବଢ଼ିଥାଏ। ଶତ୍ରୁ ମଧ୍ୟ ମିତ୍ର ପାଲଟି ଯାଆନ୍ତି। ସମ୍ମୁଖରେ ଥିବା ବ୍ୟକ୍ତି ସମ୍ମୋହିତ ହୋଇପଡିବ ଏବଂ ତୁମର ଶୁଭ ଆଦେଶ କୁ ପାଳନ କରିବେ।
୬. ରୋଗରୁ ମୁକ୍ତି:
ଏହାର ଚେରକୁ ଡାହାଣ ବାହୁରେ ବାନ୍ଧିବା ଦ୍ୱାରା ବିଭିନ୍ନ ପ୍ରକାରର ରୋଗରୁ ମୁକ୍ତି ମିଳିଥାଏ।
टिप्पणियाँ
एक टिप्पणी भेजें